Mae polisi’r Llywodraeth, fel y’i nodir yn Cymru’r Dyfodol: Cynllun Cenedlaethol 2040, yn darparu fframwaith polisi cadarnhaol ar gyfer ynni adnewyddadwy.

Nid yw Ardaloedd Llywodraeth Cymru a Asewyd ymlaen llaw ar gyfer Ynni Gwynt fel y’u nodir yn Cymru’r Dyfodol: Cynllun Cenedlaethol 2040 o reidrwydd yn eithrio ardaloedd eraill ar gyfer datblygu ffermydd gwynt, ac nid ydynt ychwaith yn golygu bod pob ardal y tu allan i’r ardaloedd a aseswyd ymlaen llaw yn lleoedd amhriodol ar gyfer parc ynni.

Gosododd Llywodraeth Cymru dargedau ynni adnewyddadwy fel rhan o ymrwymiad i ddyfodol mwy cynaliadwy i Gymru. Y targed yw i Gymru gynhyrchu 100% o’i hanghenion trydan o ffynonellau ynni adnewyddadwy erbyn 2035 er mwyn brwydro yn erbyn yr argyfwng hinsawdd.  Mae patrymau gwynt yr ardal yn gryf a chyson felly mae hwn yn lleoliad da ar gyfer tyrbinau gwynt.  Mae’r ardal hefyd yn wledig ac yn denau ei phoblogaeth.

Byddwn yn cynnal asesiad effaith cronnol o Barc Ynni Mynydd Mawr mewn perthynas â phrosiectau presennol, cymeradwy ac arfaethedig yn yr ardal. Bydd yr Arolygydd Cynllunio yn ystyried yr effaith gronnol bosibl.

Bydd ein Hasesiad Tirwedd ac Effaith Weledol yn ystyried effaith weledol bosibl y cynnig o wahanol ardaloedd a’r effaith ar amwynder gweledol eiddo preswyl. Mae ein cynigion ar gyfer tyrbinau gwynt hyd at 230 metr o uchder hyd at flaen y llafn. Mae defnyddio tyrbinau mwy yn golygu y gall pob tyrbin gynhyrchu mwy o ynni adnewyddadwy, sy’n lleihau nifer y tyrbinau sydd eu hangen ar gyfer yr un faint o ynni.

Bydd cydleoli batri (a elwir yn BESS yn gyffredin) ar y safle yn caniatáu i bŵer gael ei storio pan nad yw’r gwynt yn chwythu, neu pan nad yw’r haul yn tywynnu.

Mae’r batri yn storio’r ynni dros ben sy’n cael ei gynhyrchu yn ystod gwyntoedd cryfion neu ddiwrnodau heulog ac yna’n allforio yr ynni hwnnw a storiwyd yn ôl i’r grid pan fo cynhyrchiant yn isel a bod angen ynni.  Mae hefyd yn darparu ‘rôl gydbwyso’, gan helpu i sicrhau bod y grid yn aros yn sefydlog bob amser.

Bydd tyrbinau gwynt a phŵer solar gyda’i gilydd yn sicrhau bod Parc Ynni Mynydd Mawr yn cynhyrchu mwy o ynni yn ystod mwy o oriau’r flwyddyn. Mae paneli solar a thyrbinau gwynt yn gweithio’n dda gyda’i gilydd ac mae adegau pan fydd ynni solar a gwynt ar eu gorau yn union gyferbyn â’i gilydd. Mae solar ar ei orau yn ystod oriau golau dydd yn yr haf. Yn y cyfamser, tyrbinau gwynt sy’n tueddu i gynhyrchu’r mwyaf o drydan yn ystod oriau’r nos yn y gaeaf.  Mae hyn yn gwneud tyrbin gwynt ynghyd â phaneli solar yn gyfuniad naturiol. Gall system ynni hybrid gydag ynni solar a gwynt gynhyrchu ffynhonnell gyson o drydan trwy gydol y flwyddyn, gyda chryfderau pob adnodd yn cydbwyso gwendidau’r llall. Wrth i’r hyn a gynhyrchir o un adnodd leihau bob dydd neu’n dymhorol, mae’r llall yn dechrau codi’r hyn sy’n ddiffygiol gan gynhyrchu.

Nid yw datblygiadau wedi’u gwahardd yn yr ardal, fodd bynnag bydd ein Hasesiad o’r Effaith ar y Dirwedd a Gweledol yn asesu golygfeydd posibl o’r parc cenedlaethol yn ofalus ac yn ystyried unrhyw effaith bosibl ar ei statws Awyr Dywyll Rhyngwladol. Mae Awdurdod Parc Cenedlaethol Eryri yn ymgynghorai statudol.

Deellir yn iawn lefelau sŵn o dyrbinau. Bydd lefelau sŵn cefndir presennol yn cael eu mesur mewn lleoliadau o amgylch y safle. Byddai’r sŵn o’r Parc Ynni yn bodloni gofynion llym y canllawiau cenedlaethol a byddai o fewn y terfynau priodol a osodwyd. Bydd sŵn o’r gwaith adeiladu yn cael ei reoli drwy fesurau arfer da megis oriau gwaith sefydledig, rhaglenni rheoli sŵn ac amseroedd cyflawni.

Bydd amodau ar unrhyw allyriadau sŵn o’r cynnig yn cael eu gosod gan yr awdurdod cynllunio lleol drwy gydol y cyfnod adeiladu a gweithredu.

Byddai’r trydan a gynhyrchir yn mynd i’r Grid Cenedlaethol sy’n trawsyrru trydan ar draws y DU gyfan. Byddai trydan o’r prosiect yn debygol o gael ei ddosbarthu’n lleol, cyn mynd i aneddiadau mwy o faint ymhellach i ffwrdd.

Bydd y cysylltiad o Barc Ynni Mynydd Mawr i’r Grid Cenedlaethol yn gais cynllunio ar wahân.

Ariennir ein prosiectau gan bedwar buddsoddwr pensiwn a seilwaith hirdymor – Morrison and Co, Infratil, NZSuperfund a Chorfforaeth Blwydd-dal y Gymanwlad Llywodraeth Awstralia.

Mae GALILEO empower Wales wedi ei gofrestru yng Nghaerdydd a bydd yr holl drethi corfforaeth ac ati yn cael eu talu yn y DU.

Mae rhai ardaloedd o’r safle yn dir Mynediad Agored, fel y’i diffinnir gan Ddeddf Cefn Gwlad a Hawliau Tramwy.  Mae nifer o Hawliau Tramwy Cyhoeddus (HTC) hefyd yn croesi’r safle. Nod ein cynllun tyrbinau dangosol yw osgoi lleoli seilwaith yn agos at Hawliau Tramwy Cyhoeddus lle bo modd. Byddwn yn ceisio tarfu cyn lleied ag y no modd ar ddefnyddwyr HTC. Cytunir ar unrhyw fesurau lliniaru ar gyfer Hawliau Tramwy Cyhoeddus â Swyddog Hawliau Tramwy Cyhoeddus Cyngor Sir Powys i sicrhau bod dargyfeiriadau addas neu rai newydd yn eu lle pe bai angen. Ni fydd unrhyw gyfyngiad i ddefnyddwyr HTC yn ystod y cyfnod gweithredu, ac efallai y bydd rhai cyfyngiadau yn eu lle yn ystod y cyfnodadeiladu, gan sicrhau diogelwch aelodau’r cyhoedd a’r staff adeiladu.

Nid oes tystiolaeth glir i gefnogi cydberthynas rhwng ffermydd gwynt ac effaith negyddol gyson ar brisiau tai.

Ni chanfu astudiaeth yn 2016 gan climateXchange ar effaith tyrbinau gwynt ar brisiau tai yn yr Alban¹ unrhyw dystiolaeth o effaith negyddol gyson ar brisiau tai.

¹ climateXchange. ‘Effaith tyrbinau gwynt ar brisiau tai yn yr Alban’ (2016)

Rydyn ni’n awyddus i archwilio’r potensial ar gyfer gostyngiad ar filiau ynni i’r rhai sydd agosaf at y Parc Ynni.​

Bydd hwn ar agor i drigolion, busnesau ac adeiladau cymunedol ​ yn yr ardal leol.  Bydd rhagor o fanylion ar gael wrth i gynigion ddatblygu.

Rydyn ni wedi ymrwymo’n llwyr i gynnwys cymunedau lleol ym mhob cam o’r prosiect, ac mae hyn yn cynnwys defnyddio cyflenwyr lleol yn ystod cyfnodau adeiladu a gweithredu’r prosiect. Bydd hyn yn cynyddu cyfleoedd i fusnesau lleol ddarparu nwyddau a gwasanaethau.

Byddai gan y Parc Ynni oes weithredol o hyd at 50 mlynedd. Ar hyn o bryd, gellir ailgylchu’r rhan fwyaf o’r rhannau tyrbinau gwynt yn hawdd, oherwydd y ffaith mai dur yw ei brif gydran.

Mae’r dechnoleg a ddefnyddir yn parhau i ddatblygu a gwella. Felly, erbyn inni symud ymlaen i gaffael, mae’n debygol y bu datblygiadau pellach yn y dechnoleg ar gyfer ailgylchu.

Mae Cyfoeth Naturiol Cymru (CNC) yn cynnig Parc Cenedlaethol newydd. Mae safle Mynydd Mawr o fewn y ffin ddrafft (o fewn yr ardal a ddangosir ar y Map Ardal Ymgeisiol).Mae CNC yn ymgynghori â’r cyhoedd a rhanddeiliaid ar eu cynigion, mae hyn yn cynnwys ymgynghori ar yr ardal a ddangosir ar eu Map Ardal Ymgeisiol.

Mae Galileo empower yn ymwybodol o gynigion newydd y Parc Cenedlaethol, a bydd tîm y prosiect yn ymgysylltu â’r broses ymgynghori yn y misoedd nesaf.Mae’r broses (gweler Amserlen Gwerthuso Cynigion Parc Cenedlaethol Newydd) yn dal yn y camau cynnar, ac nid yw’r safle o fewn Parc Cenedlaethol ar hyn o bryd.